top of page
Screen Shot 2017-12-28 at 9.33.53 AM_EDITED5.png

Äwa Square One World Media

Wonhauft en Winnipeg, Kanada, Square One World Media haft aul vonne 1947 christliche Prograume produziet. See fungen met een eenzelnet Enjlischet Radio Prograum aun. Äwa de Joaren es daut jrata jeworden, un nu schlitt daut veschiedne Läse-Materiol, Tellewizhen, un Internet Medien en, un dit es nu uk en veschiedne Sproaken. De Plautdietscha Medien Deenst funk aun de 1959 aun, un es von don de Meddelpunkt jewäsen, von aul de Prograums, dee Square One rut schekjt. 

De Ieeschte Joaren

Daut ieeschte Huachdietsche Prograum, Licht des Evangeliums, wort aun de 1955 von Henry Regehr produziet. Aus de CFAM Radio Stazion jejrint wort aun de 1957 en Altona, Manitoba wia dise sea open Gotteswuat ut'tostrolen. Square One (don Gospel Light Hour jenant) muak haustich mea Program, uk Morgen Andacht, eene däachliche Huachdietsche Aundacht met Dr. Abraham Unruh aus de ieeschta Rädna.

 

Väle von de ieeschte Gospel Light Oabeida un Unjstetta wieren von de Mennonite Brethren Jemeenschoft en Kanada. Wiels Mennoniten de selwje jemeensome Jeschicht un Sproak haben, aus väle von de Plautdietsch rädende Menschen, wia doa een grooted Interessen Plautdietsche Prograume auntofangen.  

 

John J. Neufeld (J.J.) wia de Plautdietsche Rädna aus Licht vom Evangelium aum 19 Septamba 1959, daut ieeschte mol utjestrolt wort. Äwa de 30 Joa wua daut Prograum produziet wort, unjarecht hee een Book-bie-Book Bibel Studium derch daut gaunze Niee Testament. Wiels doa don noch kjeene Plautdietsche Bibel wia, funk J.J. de schwoare sistematische Oabeit aun, Radio Prograum to produzieren, un deed selfst de Bibel äwasaten. Enne 1987 jinkj J.J. em Rustaunt, un Daut Niee Testament en Psalme wort enne 1987 von de Kindred Press rutjejäft.

 

Gerhard Friesen wia de plautdietsche Prograum Häastala von de 1987 bat 1994. Wiels hee selfst von Paraguay wia, wort hee goot aunjenomen un uk vetrut mank de Zentral un Süd-Amerikaunische Radio-Horcha. Dit jeef am de Jeläajenheit en Latin Amerika eenen stoakjen un wirkjsomen Reisedeenst to buen. Daut muak fa am de Däa op, daut hee von schwoare Teemasch, soo aus Mootloossichkjeit, Meshaundlunk, un Alkohol räden kunn. 

Gerhard Friesen,John J Neufeld 2.jpg

Gerhard Friesen un J.J. Neufeld, c 1990

Lotre Joaren

Enne 1995 wort Jacob Funk de Direkta äwa dän Plautdietschen Radio Oabeit. Hee funk boolt aun bie eene Organisazion to halpen, dee doamet schauft de gaunze Bibel en Plautdietsch to äwasaten. Jacob halpt met de Oabeit, un De Plautdietsche Bibel wort aune 2003 rutjejäft.

 

Jacob siene Fru Helen fonk met eenem Plautdietschem Radio Prograum fa Kjinja un Frues aun enne 2004. Jacob un Helen muaken eene gaunze Rieej von veschiedne Noppspälungen un uk jedrukted Läse-materiol. Toop met däm Ton'tejchnika Dan Klaue spälden see daut Plautdietsche Niee Testament, Psalmen, un Spriche opp eenen droagboaren, met Sonnen-Enerjie Bibel-Späla nopp. Äare Prograume un jedrukted Läse-materiol muak fa an de Däaren opp toom Prädjen un Lieren en aule Jäjenden en Amerika, Dietschlaunt un Siberien.

 

Enne 2013 jinjen de Funken en äaren Rustaunt oba Jacob bleef noch aus Direkta äwa de Plautdietsche Prograume un siene wäakjliche Radio Prädicht fa Licht vom Evangelium bat däm Enj von 2019.

IMG_8539.jpeg

Helen un Jacob Funk en de Oppnom's Offitz aun de 2006

Enne 2013 funk Irene Marsch bie Square One (don bekaunt aus Family Life Network) aun met däm Prograum De Schwesta Stund met Irene to produzieren; een Radio Prograum daut Jesuntheits Rot un Bibel-lia toop naum. Aus Nurs em Rustaunt von Kanada un en Paraguay oppjewossen, wort see en woo needich Plautdietsche rädende Frues daut aun Plautdietschen Jesuntheits Rot fäld aus see enne 2012 bie de “Women of Hope” Rotjäwa Offitz en Santa Cruz, Bolivien holp. Wiels äa Radio Prograum fein aunjenomen wort, es Irene eene Rädna un Lierasche jeworden fa de Plautdietsche rädende Jemeenschoften en Kanada, Mexiko, Bolivien un Paraguay.

 

Irene es uk een Schriewa un Mola, un haft Plautdietsche Bieekja rutjejäft dee äwa Jesuntheit, Woolsennen un Selfst-Wieet räden.  

David un Sieglinde Toews schauften em Jugent un Familien Deenst en Bolivien ea see aunfungen met Square One toop to oabeiden om Plautdietsche Medien Prograums to produzieren. Enne 2014 funk David, dee een Musikj Produziera es, daut Radio Prograum Ekj Ran aun to entwekjlen, no däm sien Leet Ekj Ran un Jäw Nich Opp huachbekaunt wort mank Plautdietsche Jugent. Enne 2014, funk Sieglinde aun daut Prograum Waut’s dit? to produzieren, daut es een Radio Prograum fa Famieljes daut opp de Natuakjantniss jesat es.

Aus David un Sieglinde Bolivien aune 2015 veleeten, äwanaumen Eduard un Heidi Giesbrecht sikj de Produktzion von däm Prograum Ekj Ran. Dit Ehepoa kjeem von Paraguay (Eduard) un Brazil (Heidi), un see wieren em Kjoakjen Deenst en Bolivien. Aus see Poatnasch worden aun däm Ekj Ran Projekt, dan wia daut eene kjliene Oabeit. See deelden äaren Enflus Oabeitsrum met aundre, un doch met grootem Säajen. 

low_german_team_CROPPED.jpg

Claude Pratte, Square One äa Direkta enne 2016 (hinjen, rajchtsch), met waut von onse Plautdietsche Poatna. Hinjen, von de linke Sied: David un Sieglinde Toews. Väare, von de linke Sied: Irene Marsch, Heidi un Eduard Giesbrecht.

Enne 2019, funk David wada met Square One aun toop to oabeiden, om aule Wäakj een Musikj Video, Leet von de Wäakj, to produzieren en siene Exalta Jesus Offitz en Paraguay. Leet von de Wäakj brukt tradizionale uk moderne Plautdietsche Aunbädunks Musikj, un Menschen ut aule Ellasch horchen daut. Enne 2020, fungen Sieglinde un David aun een Video Prograum to produzieren fa Jugent, Wajch Wiesa.

Een scheenet Läwen met Gladys Rempel aus Prograum Leidarin wort em Somma 2021 aunjefongen. Met Bibel Takjste, christliche Unjahoolunk, un perseenliche Jeschichten, brinjt Gladys de Hopninj vom Evangelium no de Plautdietsch rädende Frues.

20161125102550388-5.jpeg
Screen Shot 2021-04-15 at 10.02.54 AM.png
IMG_4863_C_EDITED.png
cd folder insert gls20041-1.png
komm_kjikje_CD copy.png
bauk_2.jpg
gospel_player_EDITED.png
Mien_Kjarpa_een_Jeschenkj_von_Gott_IRENE'S_COPY-1.jpg
IMG_6919.png
DSC01331.jpeg

Gladys Rempel en de Film Offitz aun de 2021.

bottom of page